Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи сочно пилешко со мнооогу зеленчук во преубав сос. Нешто кое навистина мора да го направите уште денес за ручек!
Потребни состојки:
- 300 гр пилешко
- 1/2 тиквица
- брокула
- мешан зеленчук
За сос:
- 2 лажици масло
- 2 лажици брашно
- 2 шолји млеко
За маринирање на месото:
- 1 шолја јогурт
- 1 шолја вода
- зачини
View this post on Instagram
Подготовка:
Пилешкото исечете го на мали парчиња и маринирајте го со шолја јогурт, шолја вода и зачини. Оставете го преку ноќ или најмалце 2 часа. Зачини кои ги користев за маринадата, па потоа и во текот на готвењето: сол, бибер, мешан сув зеленчук, тако зачин, кари, буковец, сув магдонос. Ставете го пилешкото на тава со малку масло и кратко пропржете го. Потоа додадете околу 1 шолја од маринадата и оставете да прокрчка. Додадете пола исецкана тиквица на мали коцки и пропржете. Може да додадете неколку лажици од маринадата. Потоа тргнете го настрана месото со тиквицата, додадете 2 лажици масло и 2 лажици брашно, промешајте, па додадете 2 шолји млеко. Измешајте и додадете го останатиот зеленчук, во мојот случај брокула и мешан зеленчук(грашок, морков, пченка). Оставете да повари околу 5/10 минутки.
Може да сервирате со печен компир, тостирано лепче, мнооогуу салата или се што ви душа сака. Јас дури јадам и само од него. Толку е убаво и сочно пилешкото и толку убаво се вклопува зеленчукот со сосот… ќе се изненадите колку е највкусно.
На здравје!
