Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта. Денес Мартина ни направи бомбици од тиква.
„Тиквата ја имаме во изобилие периодов, а јас обожавам сЀ што може да се спреми со неа. Овие бомбици од само неколку состојки се вкуснотииии, а одземаат само неколку минутки за подготовка“, вели Мартина.
(РЕЦЕПТ) МАРТИНА НИ НАПРАВИ ПОСЕН ЛИМОН КОЛАЧ: Вкусен колач за со шолја кафе или чај
Потребни состојки:
- 80 гр тиква
- 80 гр мелени овесни снегулки
- 1 лажица мед
- 1 лажица путер од јатки
- 1/2 лажичка цимет
- суво овошје
- црно чоколадо
„Зависно колку тиква ќе ставите толку бомбици ќе ви излезат, па со тоа ќе си ги одредите и другите состојки. Со 80 гр тиква и 80 гр овесни снегулки мене ми излегоа 8 бомбици“, вели Мартина.
View this post on Instagram
Подготовка:
Тиквата претходно сварете ја или испечете ја. Јас повеќе ја сакам печена. Изблендирајте ги овесните снегулки, па додадете ги сите останати состојки. Изблендирајте или измешајте ги со рака. Оформете бомбици и на средина по желба ставете суво овошје или парче црно чоколадо. Да имав дома може би додала и кокос во смесата, но тоа го оставаме за нареден рецепт. Направете ги и уживајте во овие убавини.
На здравје!
