По разводот на Тони Бијелиќ и Драгана Мирковиќ, повторно се појавија шпекулации дека бизнисменот порано бил во врска со пејачката Неда Украден. Сепак, таа реши јавно да стави крај на ваквите гласини.
Украден демантираше дека меѓу неа и Бијелиќ некогаш постоела романтична врска, нагласувајќи дека станува збор исклучиво за пријателство. Таа додаде дека луѓето често претеруваат и дека Тони е човек кој им помагал на многу пејачи кои работеле во Виена.
Пејачката откри дека во периодот од 1992 до 1996 година изнајмувала стан во австриската престолнина, а поради тоа што Бијелиќ одлично го говорел германскиот јазик, тој ѝ помогнал кога ѝ било потребно. „Ми се најде при рака“, објасни таа.
На прашањето дали постоеле романтични чувства, таа беше јасна: „Не. Тој е значително помлад од мене“.
Неда истакна и дека го почитувала бракот на Тони и Драгана, додавајќи дека сите други приказни за нивниот однос се целосно неосновани.
