Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Теа денес ни подготви поздрава варијанта на цезар салата, со сос од манго, кој и дава егзотичен вкус.
Потребни состојки:
- 400 гр. пилешко мини филе
- 1 ајсберг марула
- рукола
- 200 гр. пченка
- 50 гр. семки од сончоглед
- шери или обичен домат
- пармезан
- 1/2 манго
- 2 лажички сенф
- сок од лимон
- 1 лажичка мед
- сол и бибер
- маслиново масло
View this post on Instagram
Начин на припрема:
– Марулата и руколата исецкајте ги. Пилешкото исецкајте го на мали коцки и ставете го да се пржи. Од мангото, сокот од лимон, сенфот, медот и маслиновото масло направете сос со помош на рачен блендер.
– На тањир за послужување ставете малку марула и рукола, ставете неколку лажици од сосот и почнете да редите од пченката, пилешкото, семките, пармезан и шери. Наредете уште еден ред како претходно и на крај завршете со малку крем балсамиран оцет и пармезан.
На здравје и уживајте!
(РЕЦЕПТ) ГОТВИМЕ СО ТЕА: Супа од тиква за вистинско есенско уживање!
