Омилениот вкус на чизкејк, адаптиран во лесен и едноставен рецепт за сладолед кој можете брзо да го подготвите дома.
Потребни ви се само пет состојки и не повеќе од половина час.
Состојки:
180 гр крем сирење
100 гр јагоди (или друго шумско овошје по желба)
60 гр несолен путер
Две лажички шеќер во прав
Една лажичка екстракт од ванила
Подготовка:
Сите состојки треба да бидат на собна температура.
Најпрво изблендирајте го овошјето, крупно или мазно, по ваша желба. Матете со шеќерот од прав, путерот и екстрактот од ванила и потоа додавајте по малку од крем сирењето додека да се изедначи смесата.
Сладоледот префрлете го во пластичен сад и замрзнете најмалку два часа пред послужување.
