Ретко кој не го чул името на првиот луксузен воз „Ориент Експрес“, благодарение на криминалистичкиот роман на Агата Кристи. Овој пат ослободен од убиствен контекст познатиот воз има ривал…
Познатиот „Venice Simplon Orient Express“, кој ги носи патниците од Венеција до Лондон, ќе се соочи со нов ривал во 2023 година кога „Orient Express La Dolce Vita“ ќе тргне на своето прво патување, пренесува „B92“.
View this post on Instagram
Новата железничка услуга со седиште во Италија (сопственост на хотелската групација „Акор“) се надева дека ќе ја поттикне „новата генерација“ патници да го прифатат златното доба на железничкото патување – под услов да не им пречи да плаќаат премиум цена.
За разлика од Венеција Симплон (управуваа од компанијата за луксузни возови Белмонд) со својот инстантно препознатлив Арт Деко дизајн од 1920-тите, верзијата „La Dolce Vita“ ќе изгледа поинаку: ентериери од средината на векот инспирирани од облините и боите на 1960-тите и 1970-тите. Секој од шесте возови „La Dolce Vita“, дизајнирани од студиото „Dimore“ со седиште во Милано, ќе има 12 луксузни кабини, 18 апартмани, еден почесен апартман и вагон кој ќе биде ресторан, во кои одличната италијанска кујна ќе биде придружена со италијанско вино.
View this post on Instagram
Гостите ќе уживаат во турнеја низ Италија од Алпите на север до јужните плажи, лебдејќи покрај пејзажите, езерата и шумите по добро изгазени патеки и уживајќи во уметноста и културата на градовите како Милано, Фиренца, Венеција и Рим. Италијанската програма ќе има опции од една до три ноќи. Ќе бидат достапни и три меѓународни програми од Рим до Париз, Истанбул до Сплит.
Акор го претставува патувањето како „нов начин да се доживее Италија: еколошка авантура која ги истражува заборавените улици“, но со билети кои чинат просечно 2.000 евра од ноќ по лице, авантурата ќе биде ограничена на патници со многу длабоки џебови.
View this post on Instagram
