За време на празниците и викендите имаме повеќе слободно време да поминеме со семејството, а притоа и да ги изненадиме со некој вкусен рецепт. Познати сме како уживатели на бурек, но ајде овој пат да подготвиме нешто што е инспирано од традиционалниот рецепт, но со побогат и поинтензивен вкус.
СОСТОЈКИ:
– 4 јајца
– 250 г мелено месо
– 1 праз
– 160 г павлака
– 6 лажици гриз
– 6 лажици брашно
– прашок за печиво
– 50 мл масло
– сол и црн пипер
ПОДГОТОВКА:
Празот исечкајте го на кругови и пропржете го на маслото. Додајте го меленото месо, зачинете и пржете додека испари водата. Потоа оставете да се излади.
Јајцата изматете ги, додајте им го брашното измешано со гризот и прашокот за печиво. Во тоа додајте го меленото месо, павлаката и добро измешајте. Смесата префрлете ја во плех и печете половина час на 200 степени.
Почекајте малку да се излади, апотоа може да сервирате. Оставете и некое парче за утрешниот работен ден како совршена ужинка.
Добар апетит!
