Дали некогаш сте се запрашале зошто секоја алуминиумска фолија има една мат и една сјајна страна и која всушност треба да се користи за готвење.
Кога станува збор за готвење, можете да се опуштите – не постои вистинска страна на алуминиумска фолија што треба да се користи. Двете страни се подеднакво ефикасни во загревањето на храната.
Тогаш, зошто алуминиумската фолија има различни страни? Експертите велат дека станува збор за производствениот процес и дека тоа се должи на загревањето и истегнување на фолијата. Двата слоја фолија се спојуваат и валаат истовремено, бидејќи во спротивно би се искинала.
„Кога фолијата доаѓа во контакт со вториот слој, се формира мат страна. Светлата страна е онаа што не била во контакт со другиот слој. Но, ефектот е ист на двете страни“, велат експертите од компанијата „Reynolds Kitchens“.
Многумина се загрижени за влијанието на алуминиумот врз здравјето, бидејќи со готвење во алуминиумска фолија, честичките се воведуваат преку храната.
Сепак, експертите велат дека тоа не претставува опасност по здравјето, но ако сте загрижени, треба да изберете нешто друго за готвење наместо алуминиумска фолија, пренесува „Family Handyman“.
