Еве зошто токму со овој напиток е најдобро да го започнете денот…
Во овој период многу е важно да го зајакнете имунитетот со цел вашето тело да остане заштитено од вирусите. Физичката активност, доволното количество на сон и доволниот внес на витамини во овој момент се исклучително важни.
Отсекогаш подобра била идејата витамините да се внесуваат преку храната или одредени напитоци. Пронајдовме домашен рецепт за целосно природен сок. Состојките кои се користат изобилуваат со витамини, па ќе го зајакнат организмот.
Се верува дека доколку редовно го консумирате овој напиток, тој може да придонесе за зајакнување на имунитетот:
За подготовка ви е потребно:
2 моркови
1 јаболко
1 грејпфрут
Подготовка:
Подготовката е многу едноставна, сите состојки ставете ги во соковник и напитокот е подготвен. Доколку немате соковник може да употребите и блендер, а доколку смесата излезе премногу густа, додадете и вода.
Зошто овие состојки се добри за организмот?
Сите нутриционисти ќе се сложат со тврдењето дека морковите се многу здрави. Богати се со витамините А, Ц, К и Б8, како и со фолна киселина, калиум, железо, бакар и манган. Меѓутоа повеќето благотворни својства на морковот потекнуваат од неговото богатство со бета каротен и влакна. Исто така, морковот содржи и железо кое е неопходно за организмот да има доволно сила во текот на целиот ден.
Јаболкото е вистинска ризиница на витамини
Во јаболкото има и до 40 мг витамин Ц, потоа витамините А, Е, Б1, Б2, Б6 и бета каротен. Исто така содржи и калиум, калциум, фосфор, магнезиум и железо.
Јаболките се богати со полифеноли кои имаат силно антиоксидативно дејство. Содржат кверцетин, камферол, мирицетин, катехини, антоцијанини и уште над 20 антиоксиданси.
Грејпфрутот е значителен извор на витаминот Ц
Грејпфрутот содржи, не само големи количини на витаминот Ц, за кој се знае дека штити од настинки и грип, туку и витамините А и Б комплекс, како и витамините Е и К.
