Многу фрустрирачки е да легнете во кревет, да зјапате во таванот и да не можете да заспиете. Ова му се случило и на Јутјуберот Мајк Шејк кој пробал голем број методи за полесно да заспие.
На крајот сфатил дека мора да направи две работи: да ги прилагоди своите секојдневни навики и да користи специфични техники навечер.
Вежбал преку ден за да се умори. Тој избегнувал каква било форма на кофеин осум часа пред спиење и го поминувал времето престојувајќи на дневна светлина за да го регулира деноноќниот ритам и да ја намали изложеноста на синкавата светлина што ја емитираат екраните на компјутерите и мобилните телефони.
Вечерта се туширал или се бањал во топла вода, а потоа ја спуштал температурата во спалната соба.
„Примената на овие практики беше многу едноставна и тие навики ми помогнаа да се чувствувам позаморен и поспан ноќе“, рекол јутјуберот.
Вечерта, тој практикувал два методи за побрзо заспивање и од сопственото искуство видел дека тоа му помага.
Воен метод
„Тоа е техника за релаксирање на секој дел од телото. Длабоко вдишете и фокусирајте се на сите мускули на лицето, вклучувајќи ги и устата и јазикот. Стиснете ги мускулите на лицето, а потоа опуштете ги додека издишувате“, објасни тој.
Метод 4-7-8
Ова е всушност вежба за дишење која се состои од 4 секунди вдишување, 7 секунди задржување и 8 секунди издишување.
„Продолжив да го користам воениот метод, бидејќи заклучив дека тоа е најефективниот и најбрзиот начин да заспијам“, додал.
