На осумдесет и девет годишна возраст почина поетот, раскажувач и драмски автор Видое Видичевски. Писателот кој е по потекло од Охрид, зад себе остави богат и разновиден опус.
Во поезијата дебитира со стихозбирката „Сини питоми утрини“ во 1959 година, а ги објавува и поетските книги „Вечерен пејзаж од градот“, „Песни за потопот“, „Кажување на задоцнетиот пророк“, „Вие“ и „Биље крај езерото“.
Неговите дела се преведувани на голем број јазици, а тој беше и оснoвач и прв директор на Радио Охрид, директор на Домот на културата во Охрид, еден од основачите на „Охридско лето“ и негов раководител, како и покренувач на манифестацијата „Прличеви беседи“, но и добитник на огромен број награди и признанија.
