Манекенката од Порторико Софиа Јирау (22) неодамна прошета на Модната недела во Њујорк. Софиа е родена со Даунов синдром, а ова ѝ беше прва ревија во животот.
„Баш добро се чувствував. Сите ми дадоа аплауз“, рече Софија за странските медиуми.
Како што изјави таа, сонот ѝ се исполнил.
„Родена сум за ова и сакам да му покажам на светот како секој модел треба да блеска“, напиша таа на друштвените мрежи. Софиа е првиот модел со Даунов синдром кој ја водеше ревијата на Модната недела во Њујорк.
Манекенката има и сопствен бренд кој се вика „Alavett“. Таа продава различни модни додатоци, од торби до налепници. Нејзината желба е еден ден да стане инспирација на сите кои го имаат истиот синдром.
„Јас сум професионален модел кој е спремен да го инспирира светот“, напиша таа во описот на фотографијата на Инстаграм.
После ревијата, бројот на пријатели на друштвените мрежи и пораснал. Сега ја следат 83 илјади луѓе. Реакциите на нејзината прва прошетка на пистата се одлични.
„За тебе не постојат граници“, бил само еден од коментарите.
