Грижата за куче може да им помогне на децата да останат активни. Малите деца кои имаат кучиња вежбаат 11 минути дневно повеќе од нивните врсници кои немаат кучиња, пренесува „PureWow“.
Кучињата можат да помогнат во намалувањето на стресот
Иако кучето можеби не помага на ист начин како разговорот со возрасно лице, сепак може да помогне во ублажување на вознемиреноста.
„Кучињата и мачките можат да бидат одличен извор на утеха за децата кога се соочуваат бројни предизвици во детството. Секогаш кога децата се чувствуваат тажни, лути или исплашени, миленичињата можат да пружат верно дружење и гушкање. Се покажа дека гушкањето го ублажува стресот и им помага на луѓето да се релаксираат“, објаснува д-р Реген Т.С. МекГован, кој ја истражува оваа тема.
Грижата за домашно милениче ги учи децата на одговорност и емпатија
Помошта за грижа околу семејното милениче е еден од начините на кој децата учат за одговорност. Хранење, прошетка и учество во играта со миленичињата се всушност првите „лекции“ за одговорност и обврски со кои се соочуваат децата. Тие исто така учат што е емпатија додека развиваат повисоко чувство за самопочит со фактот дека имаат одговорност и се грижат за своите миленичиња.
Поттик за физичка активност
Грижата за куче може да им помогне на децата да останат физички активни. Децата кои имаат кучиња вежбаат 11 минути дневно повеќе од нивните врсници кои немаат кучиња. Секојдневните прошетки, трчање и времето поминато во игра им дава можност на децата да излезат надвор и да се движат.
Може да го подобри имунолошкиот систем кај децата
Целокупната изложеност на малите деца на некои бактерии кои ги имаат миленичињата може да биде корисна за нивниот имунолошки систем. Истражувањата покажуваат дека бебињата израснати во близок контакт со домашно милениче се со помала веројатност да се разболат во првата година од животот, што значи помалку посети на лекар. Истражувањата исто така покажаа дека децата кои растат со миленичиња имаат намален ризик од алергии.
