Според фенг шуи, скршените јајца покрај креветот, ќе ви ги решат сите проблеми.
Ако верувате дека одредени ритуали можат да помогнат да се исчисти домот од негативна енергија, тогаш испробајте го ова фенг шуи правило за среќа.
Многу е едноставно!
Скршете го јајцето во чаша и оставете го преку ноќ. Експертите за фенг шуи велат дека овој ритуал ќе помогне да се ослободи домот од сите неволји, таги и несреќи. Јајцето како сунѓер ќе ја апсорбира целата негативна енергија и ќе го исчисти протокот на енергија во вашиот дом.
Како по правило, овој ритуал можете да го извршите во секое време од годината, но единствената важна работа е да го направите пред спиење.
Што ви е потребно?
Едно свежо јајце, кое откако ќе го купите нема да го ставите во фрижидер. Навечер, пред спиење, скршете го во чаша вода и оставете го покрај креветот. Следниот ден, кога ќе се разбудите, добро погледнете ја состојбата на јајцето.
Како што велат експертите за фенг шуи, жолчките ја симболизираат личноста, а белките симбол за сè што таа личност ја опкружува. Откако една ноќ одлежало во чашата, на јајцето може да се забележат одредени промени – појава на меурчиња или белки што „се истегнуваат“, заматеност …
Секоја од овие појави има свое значење, односно укажува на „неволјата“ што на овој начин ја исфрлате од куќата.
Значи, ако се случило замаглување, тоа значи дека сте ја истерале лошата енергија што ве блокира и ве спречува да постигнете успех. Ако има нишки, тоа е показател за тагата што „ве влече до дното“. Меурчињата пак, се знак за лоша организација во домот. За да се ослободите од сите овие негативности, треба да ја фрлите содржината на чашата во мијалник или тоалет.
Ако мислите дека темелно не сте го исчистиле вашиот дом од сè што е лошо, според правилата на фенг шуи, можете да го направите овој ритуал следните две ноќи, а потоа да направите пауза од еден месец.
