Во аптеките се продаваат многу различни видови пробиотици, кои се одличен додаток кога треба да го подобрите имунитетот, кога пиете антибиотици и кога на некој начин имате нарушување на дигестивниот систем.
Добра вест е што можете да ги внесувате и преку одредени хранливи продукти, кои ги содржат пробиотиците во помал или поголем процент.
Со помош на ваквата исхрана, можете да бидете сигурни дека поретко ќе имате пад на имунитетот и полесно ќе се борите против воспаленија и инфекции.
Еве кои продукти ги содржат:
Домашно кисело млеко – киселото млеко кои самите го поткиселуваме е многу подобар избор од она во продавниците, бидејќи сме сигурни дека користиме млеко со добро потекло. Млекото од крави, кози и овци кои паселе свежа трева има повеќе пробиотик од оние кои се хранети со сено и пченкарна каша.
Младо бело сирење – несоленото младо сирење е одличен извор на пробиотик, кое во исто време содржи и помалку казеин и лактоза отколку зрелите сирења.
Кисела зелка – ова е најдобриот природен пробиотик, полн со витаминЦ и ензими кои ни се потребни за правилна работа на телото. Затоа и редовно треба да биде на нашето мени во есента и зимата.
Комбуха – оваа габа, заедно со јапонските водни кристали, можете да ги користите како природен пробиотик преполн со здрави бактерии и микроелементи.
Кефир – за разлика од комбухата, која се прави со чај, кефирот ферментира во млеко. Добиениот пијалак е еден од најдобрите природни пробиотици на светот. Има вкус на јогурт.
Туршија – домашна туршија чиј пресол е направен само од сол и вода (без оцет) е одличен пробиотик. Тука спаѓаат краставичките, карфиолот и секако, зелката.
