Во денешно време вложуваме многу време и пари на надворешна нега на нашите лица. Но, колку внимание посветувате на храната што ја негува вашата кожа од внатре кон надвор? Во текот на изминатата деценија, научивме многу за тоа како храната што ја јадеме влијае на нашшата кожа.
Поради следниве намирници вашата кожа ќе ви се заблагодари со сјаен и здрав тен, без брчки и мозолчиња.
Зеленчук во бои на виножитото
Бета-каротинот е хранлива материја која се наоѓа во растенијата. Станува збор за растителен пигмент кој дава карактеристична боја на портокаловиот и црвениот зеленчук како моркови, тиква и слатки компири. Во телото се претвора во витамин А, кој го регулира производството и замената на старите клетки со нови, па површината на кожата станува мазна и затегната.
View this post on Instagram
Јаткасти плодови и семиња
Општо земено, јаткастите плодови и семките се добри извори на хранливи материи важни за здрава кожа. Семките од сончоглед се одличен пример – околу 30 гр семки од сончоглед содржат 32% од препорачаната дневна доза на антиоксиданс селен, 10% од препорачаната дневна доза на цинк и 5,4 грама протеини. Оваа количина обезбедува и 37% од препорачаната дневна доза на витамин Е, што е одличен начин да ѝ обезбедите на вашата кожа доволно витамини и антиоксиданси.
Авокадо
Авокадото е богато со здрави масти кои придонесуваат за многу функции во телото, вклучувајќи го и здравјето на кожата. Авокадото е исто така добар извор на витамин Е, важен антиоксиданс кој ја штити кожата од оксидативно оштетување.
ПРАЗ: Благотворен зеленчук богат со витамин К1, неопходен за здравјето на срцето
Црвени или жолти пиперки
Како и слатките компири, пиперките се одличен извор на бета-каротин – околу 150 гр сецкани црвени пиперки содржат 92% од препорачаната дневна доза на витамин А. Тие се исто така богати со витамин Ц, антиоксиданс потребен за создавање протеински колаген кој го задржува кожа цврста и еластична. Една чаша пиперка дава импресивни 317% од препорачаниот дневен внес на витамин Ц.
Брокула полна со витамини и минерали
Брокулата е на оваа листа бидејќи е полна со многу витамини и минерали важни за здравјето на кожата, вклучувајќи цинк, витамин А и витамин Ц. Исто така содржи лутеин, каротеноид кој делува како бета-каротин и ја штити кожата од оксидативно оштетување – инаку кожата може да стане сува и збрчкана.
Домати
Доматите се одличен извор на витамин Ц и ги содржат сите главни каротеноиди, вклучувајќи го и ликопенот, што ги прави одлична храна за одржување на здрава кожа. Каротеноидите бета-каротен, лутеин и ликопен ја штитат кожата од оштетување на сонцето и исто така можат да спречат појава на брчки.
Чоколадо
Иако чоколадото долго време е сомнително за појава на акни и мозолчиња (што сè уште е точно ако изберете чоколадо полно со шеќер), квалитетното темно чоколадо со 70 или повеќе проценти какао може да биде добро за вашата кожа. Истражувањата покажаа дека какао флаванолите (моќен тип на антиоксиданс) можат да ја подобрат еластичноста на кожата, па дури и да ја заштитат кожата од УВ оштетување.
Црвено вино
Познато е дека црвеното вино содржи ресвератрол, соединение кое доаѓа од кората на темното грозје. На ресвератрол му се припишуваат широк спектар на здравствени придобивки, а намалувањето на ефектите од стареењето е веројатно едно од најпознатите. Сепак, придржувајте се до една чаша вино дневно – бидејќи е алкохол, секако има негативни ефекти ако претерате.
