Зимата и студеното време се голем фактор кој негативно влијае на имунитетот. Бидејќи е сезона на вируси и настинки, одлично би било да знаете како да го зајакнете здравјето и да се прилагодите на временските услови.
Исхраната треба да се збогати со варени јадења, коренест зеленчук, житарки, чаеви, сите оние намирници кои ја поттикнуваат циркулацијата и му помагаат на организмот да се одбрани од студот, а во исто време да се загрее.
За да го постигнете ова, обрнете внимание на намирниците кои се однесуваат на оние кои го „греат телото“.
Рен
Ова растение го поттикнува организмот на чистење, го забрзува метаболизмот и поволно делува на циркулацијата, а со тоа го загрева организмот. Ренот е ризница на витамин Ц, има три пати повеќе витамин Ц од лимонот. Ефикасен е против настинки и грип, а може да биде вкусен додаток на месо.
Хељда
Хељдата е богата со протеини, витамини Б1 и Б12. Има високо ниво на антиоксиданси, чија улога е да ги елиминираат слободните радикали, кои се сметаат за една од водечките причини за рак и срцеви заболувања. Покрај тоа, придонесува за затоплување на телото, бидејќи е храна која е одлична за крвотокот.
Лути пиперки
Капсаицинот, состојка од која потекнува лутината, позитивно влијае на работата на срцето, ја ублажува болката, спречува чир на желудникот и го подобрува расположението. Со оглед на тоа што ја забрзува циркулацијата, лутите пиперки се одлична храна за загревање на телото.
Лук
Нема потреба да се зборува за благотворното дејство на лукот. Поволно делува на намалување на лошиот холестерол, содржи алицин, познат е и како природен антибиотик. Лукот одлично делува на имунитетот. Содржи витамини, корисни масла и аминокиселини важни за нашиот организам. Содржи и алицин, состојка позната по своето антиинфламаторно дејство. Затоа се препорачува редовно консумирање лук, особено во постудените месеци од годината.
Бибер
Биберот ги загрева екстремитетите, па затоа се препорачува за луѓе кои имаат слаба циркулација. Многу е корисен за регулирање на варењето и има антиканцерогено дејство, ја намалува надуеноста, ја ублажува настинката и воспалението.
