Со воведување на поголеми количини на интегрални житарки во исхраната, може да се спречи појава на хипертензија кај луѓето, се вели во едно од истражувањата на експертите од одделот за јавно здравје на Харвард.
Појавата на хипертензија попозната меѓу луѓето како висок крвен притисок или артериска хипертензија е хорнична здравствена состојба која се одликува со покачен крвен притисок во артериите.
Процесот на обработка е различен кај обичните или неинтегрални житарки и интегралните. Односно, кај голем дел од житарките се отстранува надворешната лушпа на зрното, додека кај интегралните се задржуваат надворешните слоеви на зрното и микробите, што ги прави побогати со многу хранливи материи.
Бостонските научници спровеле истражување на 51.529 медицински работници кои во 1986 година, кога започнало истражувањето, биле на возраст од 40 до 75 години. За време на осумнаесетгодишна анализа, 9.227 испитаници развиле хипертензија.
Експертите од Бостон откриле дека една петтина од испитаниците кои пријавиле најголема дневна консумација на интегрални житарки, околу 52 грама, имале 19% помал ризик од развој на висок крвен притисок, отколку другата една петтина од испитаниците кои јаделе помалку интегрални зрна, околу 3 грама на ден.
Врската помеѓу поголемата консумација на интегрални житарки и намалениот ризик од хипертензија била успешна и кога биле консумирани во комбинација со овошје и зеленчук, со регуларна употреба на витамини и физичка активност.
Поволното дејство на интегралните житарки врз одржувањето на нормалниот крвен притисок е последица на фактот дека луѓето кои почесто консумираат интегрални житарки секако имаат поголеми здравствени придобивки, а воедно може да бидат помалку склони на проблеми со покачување на телесната тежина со текот на годините.
ИСХРАНА ВО БОЈА: Виолетови намирници полни со витамини и минерали
