Често во есенскиот период на променливо време нè мачи кашлицата. Ако и кај вас тоа е случај, пробајте ги овие два делотворни домашни рецепти.
Против кашлица
Сварете 200 мл млеко, оставете малку да се излади и потоа додадете во него лажица путер и лажица мед. Убаво измешајте, па додадете 1 изматена жолчка од јајце и четвртина лажичка сода бикарбона.
Оваа напивка не само што ја лекува кашлицата туку е полезна и при бронхитис и ларингитис кај деца и возрасни.
Природниот лек се зема пред спиење најмалку 5 дена. За возрасни – 2 до 3 големи лажици, а за деца половина доза.
За искашлување
Загрејте ги заедно следниве состојки – 2 лажици маслиново масло, 2 лажици сок од лимон, 2 лажици вода и 1 лажица мед.
Оставете смесата да се излади и испијте ја во текот на денот – половина од неа наутро, а другата половина навечер.
