Дали сум бремена? Седум главни разлики меѓу рана бременост и ПМС

Симптомите, како што се зголемен апетит, чувствителни гради и раздразливост, најчесто ги поврзуваме со предменструалниот синдром (ПМС), но многу слични појави се појавуваат и во текот на раната бременост. Хормоните во двата случаи предизвикуваат промени во телото, а како да ги разликуваме?

  1. ИМПЛАНТАЦИСКО КРВАВЕЊЕ
    Ова е еден од првите знаци за бременост, кој често може да се замени со менструацијата. Се појавува од шестиот до 12. ден од зачнувањето, кога ембрионот се прицврстува за ѕидот на матката и поттикнува лесно крвавење, проследено со грчеви. Бидејќи сите овие симптоми укажуваат на менструација, треба да се обрне внимание на количината на крвавењето, кое во овој случај е мошне помало.
  2. ЧУВСТВИТЕЛНИ ГРАДИ
    Иако чувствителните гради спаѓаат во најчестите симптоми на ПМС, тие се и први од симптомите на бременоста, кога во тој случај, градите стануваат отечени, а ареолите потемни. Освен тоа, чувствителноста на градите во раната бременост не престанува по неколку дена, туку таа станува сѐ почеста.
  3. НЕВООБИЧАЕН ЗАМОР
    Исцрпеноста при вообичаените активности, зголемената потреба за одмор и зачестениот замор се некои од првите знаци на бременост. Тие најчесто се појавуваат во првото тримесечје, кога телото се навикнува на новите промени.
  4. ЧЕСТО ОДЕЊЕ ВО ТОАЛЕТ
    Честото уринирање, кое не е придружено со грчеви и болки, како што обично се случува при менструацијата, е еден од симптомите на бременост. Тоа се случува поради ширење на матката, која го притиска мочниот меур. Во текот на бременоста, телото природно произведува повеќе течности, поточно се појавува поголема потреба за внесување течности, бидејќи жедта е интензивирана.
  5. МАЧНИНА И ПРЕЧУВСТВИТЕЛНОСТ НА МИРИСИ
    Интензивната потреба за одредени вкусови, слатки или солени, е добро познат симптом за ПМС, како и чувството на тежок желудник. Но, тоа не е исто како и чувството на мачнини проследени со повраќање, кои се јавуваат наутро и навечер, а се добро познати како симптом на бременост.
  6. ВРТОГЛАВИЦА
    Наглите вртоглавици и чувството на слабост кај ПМС најчесто се јавуваат како последица на големите болки што исчезнуваат кога циклусот ќе заврши. Но доколку овие симптоми траат подолг период, а менструацијата изостане, тоа укажува на бременост. Слабоста предизвикува ширење на матката, која врши притисок во артериите на нозете и предизвикува намалување на крвниот притисок.
  7. ЗГОЛЕМЕНА ТЕМПЕРАТУРА
    Зголемената температура на телото и честите бранови на жештина се најчести симптоми на раната бременост. Честата жештина најчесто е придружена со потење и чувство на непријатност.

Слични објави

Дневен хороскоп за 16 декември: Верувајте повеќе во себе, нема причина за нервоза и стрес

Еспресо

Дневен хороскоп за 27-ми ноември: За некој љубовниот живот е во подем!

Васко Спасоски

ФОТО | Едвај ги собра: Елеонора Миљковиќ облече претесен фустан со кој ги истакна бујните гради!

Васко Спасоски

Му го скршила срцето на најсуровиот човек на светот, Хитлер никогаш не дознал дека е Еврејка! (ФОТО)

Теодора Циклевска

Интерна одлука на „Гугл“: Вработените ќе работат од дома до септември во 2021 година

Еспресо

Танди Њутн го прокоментира односот со Том Круз: Беше доминантен и се плашев од него на снимањата

Еспресо

Остави Коментар