Суд во Париз објави дека на 13 мај ќе ја донесе пресудата за актерот Жерар Депардје кој е обвинет за сексуално вознемирување на две жени за време на снимањето на филм во 2021 година. Француското обвинителство во четвртокот побара 18-месечна условна казна и парична казна од 20.000 евра за Депардје, пренесуваат странските медиуми.
Седумдесет и шестгодишниот Депардје, истакната личност во француската кинематографија, е обвинет за сексуално вознемирување на две жени за време на снимањето на филм од 2021 година. Ова е првпат актерот, кој се соочува со бројни обвинувања за сексуално вознемирување низ годините, да биде изведен пред суд.
„Три години ме влечете низ калта со лаги и клевети кои ми ја јадат крвта и желбата да комуницирам со луѓе од сите возрасти“, рекол Депардје пред да ја напушти судницата.
Актерот призна дека фатил една од жените за бутот, но негираше дека тоа е напад. Неговиот адвокат рече дека наводите против неговиот клиент се лажни и дека истражителите биле пристрасни.
Депардје се прослави со улогите во филмовите „Сирано де Бержерак“, „Човекот со железна маска“, „Последното метро“, „Ќерката на мускетарот“, „Животот на Пи“ и „Астерикс и обелиск“.
