„Загрижена сум поради зголемениот број случаи на мајмунски сипаници во ЕУ, сега имаме над 7.000, што е зголемување од речиси 50% во споредба со пред една недела“. Ова го изјави еврокомесарката за здравство Стела Киријакидес.
„Реагиравме брзо и веќе испорачавме околу 25 илјади дози до 6 земји-членки“, потсети таа, нагласувајќи дека бројот на дози купени преку Европската управа за одговор при итни случаи во здравството надмина 160 илјади единици „за да се одговори навремено на прогресијата на ширењето на овој вирус“.
ЕУ обезбеди дополнителни 54.530 дози од вакцината против мајмунски сипаници, со што сега вкупниот број купени дози за земјите-членки да одговорат на тековната епидемија изнесува 163.620. Ова го соопштија од Комисијата, а пренесува анса. Набавката беше финализирана од страна на Управата за здравствена подготовка и одговор (Хера). Испораките на вакцини „ќе продолжат да се вршат во наредните недели и месеци и во остатокот од годината“, се вели во белешката на извршната власт на ЕУ. Во зависност од бројот на случаи, испораките продолжуваат но само за земјите-членки.
