Некогашната детска ѕвезда Лоренцо Брино (21) најпознат по улогата на Сем Камден во ТВ-драмата „На седмо небо“ (7th Heaven), загина во понеделникот на седми март, јавија светските медуми.
Брино настрадал во сообраќајна несреќа кога ја изгубил контролата над своето возило. Тој починал на лице место, а надлежните во Калифорнија ги испитуваат причините за несреќата.
Беше најпознат по улогата во „На седмо небо“, која на крајот на 1990 и почетокот на 2000 година се емитуваше и на нашите канали. Во серијата тој играше со својот роден брат Николас.
Тие во екипата се придружија во третата сезона, а се појавија вкупно во 138 епизоди.
„На седмо небо“ беше серија која зборуваше за семејните вредности кои ги следеше семејството Камден. Тие имаа седум деца, а една од нивните ќерки во серијата беше и актерката Џесика Бил.
