Српскиот претседател Александар Вучиќ ги нарече „мала тактичка победа“ договорите со Приштина, постигнати со посредство на ЕУ, пренесува ТАСС.
Според него, пред два дена Косовците имале многу подобри услови, но не ги прифатиле. Вучиќ увери дека народот на Србија нема да биде малтретиран, остануваат нивните регистарски таблички во Косово.
„Регистерските таблички се мала тактичка победа која нè води до уште поголем притисок на кој ќе бидеме подложени, ни претстојат тешки времиња“, рече претседателот на Србија.
Како што истакна Вучиќ, ситуацијата на Косово почна да зоврива, на луѓето им е „преку глава од теророт на властите во Приштина“, на Србите им е „преку глава од уцени, закани, заплашувања“, како и од меѓународниот притисок, со кој не се размислува за нив и ги доживува како национално малцинство. Во исто време, Вучиќ увери дека тие нема да бидат национално малцинство.
