Видеа од трагичната несреќа на Ен Хеч: од целосно уништениот автомобил до актерката која ја носат со брза помош.
На 5-ти август, на Ен Хеч ѝ се случи тешка сообраќајна несреќа. Актерката удрила во куќа во населбата Мар Виста во Лос Анџелес, ударот бил толку силен што била потребна интервенција на 50 пожарникари. Веднаш беше откриено дека Хеч е во тешка состојба, вклучително и со изгореници и итно беше пренесена во болница. На интензивна нега, семејството на американската актерка и режисерка од јавноста побара молитви за нејзино брзо закрепнување.
Како што објави веб-страницата „Пипл“, претставник на актерката (која има 53 години) ги увери фановите за нејзината моментно стабилна состојба:
„Ен моментално е во стабилна состојба. Нејзиното семејство и пријателите бараат од вас молитви и да ја почитувате нивната приватност во ова тешко време “.
На темата се осврна и поранешниот партнер на актерката Томас Џејн: „Моите мисли и молитви се со Ен, уникатен талент на нејзината генерација. Фала му на Бога, никој друг не беше повреден “. Томас потврдил дека Хеч не е во животна опасност.
Фотографии и видеа од присутни во моментот на страшната несреќа пристигнуваат на социјалните мрежи. Така, може да се види целосно уништениот автомобил, поточно – јагленисан.
На други снимки Ен е имобилизирана на носилки и однесена со брза помош. На едно од видеата ја гледаме и како се обидува да стане од носилката, веројатно во шок.
Во моментов се врши увид за причините за несреќата. Првата хипотеза на надлежните е дека актерката се движела со толку голема брзина што изгубила контрола над возилото.
Here’s the now mangled vehicle owned by actress Anne Heche being towed away after speeding and crashing into a Mar Vista home and sparking a fire. @CBSLA pic.twitter.com/rRSqnM1YDt
— Rachel Kim (@CBSLARachel) August 6, 2022
#AnneHeche #annehecheaccident OMG!!! Get me out of this bodybag!!! Quick video! Crashed into two seperate homes!! #MarVista #crazy pic.twitter.com/DVIUCmJ8yS
— DelrayBeachSurfCo (@delraysurfco) August 6, 2022
