Нашата позната пејачка, Викторија Лоба неодамна гостуваше во утринската емисија на телевизија Телма. Викторија Лоба важи за една од најпопуларните македонски пејачки со руско потекло.
Имено, Лоба е родена во Таганрог, Русија на 17 октомври 1988 година. На свои 8 години таа со семејството се сели во Скопје и уште од мали нозе е присутна на музичка сцена и ТВ станиците.
View this post on Instagram
Во музичките води влегува во 2003 година кога ја претставуваше Македонија на Детската Евровизија во дует со Марија Арсова и песната „Ти не ме познаваш“ каде се пласираа на 12-то место.
View this post on Instagram
Лоба за време на гостувањето заедно со нашиот познат водител Ненад Георгиевски разговара на бројни теми. Музика, кои се идните планови на пејачката, дали подготвува нови песни и секако дали може да очекуваме некоја нов хит.
„Некако се потроши инспирацијата за убавото, за славењето, за музиката. Така што, веќе почнуваме да се будиме кога станува збор за музиката, да ѝ прикажеме нешто убаво на публиката. Но, ете повторно се случуваат неубави работи. Многу е деликатно, некогаш времињата не се за убави песни, некогаш времињата не се за да тргнеш и да пееш за нешто што навистина не е важно во моментот. Како артисти, треба да ја пресликуваме ситуацијата којашто народот ја живее моментално“, истакна Лоба.
За жал, неизбежна беше темата за конфликтот меѓу Украина и Русија, а тоа посебно ја погоди пејачката :
„Јас сум со огромна желба за мир, љубов и разбирање помеѓу сите народи. Сакам да кажам дека народот треба да биде обединет, не треба да нè одделуваат, без разлика дали се работи за различни народи и националности. Треба да го доживееме тоа единство во нас и кога ќе се случи тоа, нема да може ниту еден политичар да нè скара“, порача пејачката со треперлив глас, бришејќи ги солзите од своето лице.
