Ваква „великодушна“ свадба сигурно до сега не сте виделе!
На ТикТок се појави видео од необичната свадба кое стана вирален хит.
Свадбата се случи во Чиле – момче подготвило многу посебна свадбена торта за својата сестра, со марихуана, а ефектот беше видлив за гостите на забавата.
Алваро Родригез (29) ставил марихуана на еден од седумте ката од тортата на неговата сестра, пренесува Њујорк пост.
Младиот човек сподели видео во кое гостите еуфорично танцуваат откако го пробале овој „магичен“ десерт.
Видеото веќе има повеќе од 15 милиони прегледи на ТикТок. Момчето, кое живее во Сантијаго, сподели видео од гостите кои танцуваат како деца на песната на Сак Ноел „Loca People“.
„Беше забавно“, изјавил Алваро. „Најсмешната реакција беше онаа на тетка ми. Се сеќавам дека ја болеше грбот и два часа откако ја изеде тортата болката исчезна и таа играше како тинејџерка“.
@alvaroelias_ – El regreso del brownie mágico 2.0 👽 #fyp #foryou #lentejas #viral
♬ Frenchcore Loca (Original Mix) – Randy & Randy & Radium & Radium
Алваро рече дека сите гости знаеле дека дел од тортата содржи марихуана и дека само возрасните го пробале овој дел од тортата.
Алваро ја подготвувал оваа свадбена торта со вкус на чоколадо цели 20 часа.
Инаку, канабисот е нелегален во Чиле за производство и за јавна потрошувачка, но е дозволен за приватна употреба во домашна атмосфера. Чиле има најголема потрошувачка на марихуана по глава на жител во Латинска Америка, пишува РТЛ:де.
