Пејачката Јелена Розга и композиторот Иван Хуљиќ решија да се венчаат меѓу најблиските пријатели и семејството! Пејачката и музичарот по завршувањето на церемонијата во општината ќе приредат интимна прослава, а сите гости, но и организаторите на свадбата ќе треба да потпишат договор за приватност.
Јелена Розга ангажирала адвокат за договорот за приватност, кој ќе треба да го потпишат сите гости на нејзината свадба. Според извор близок до парот, Јелена и Иван планираат интимна венчавка со семејството и најблиските пријатели. Посебно внимание ќе се посвети на приватноста. Сите гости ќе треба да потпишат договор за доверливост, а споделувањето фотографии и информации од прославата ќе биде строго забрането. Иван Хуљиќ не сака да се изложува на медиумите и приватноста му е најважна кога е во прашање организирањето на свадба.
Да потсетиме, Иван е син на Тончи Хуљиќ, еден од најпознатите музичари и композитори во регионот, а Јелена и Иван соработувале на неколку музички проекти пред да стапат во романтична врска. Тие беа заедно пред десет години, но врската не траеше долго. Си дадоа втора шанса, а пријателите велат дека Јелена Розга само чекала Иван да порасне доволно со оглед на тоа што е 11 години помлад од неа.
