Изгледа дека има нов претендент во трката за срцето на Шакира, а тоа не е никој друг туку ѕвездата Том Круз.
Двајцата беа забележани заедно на Формула 1 Гран При во Мајами, а извор вели за британски „Пејџ сикс“ дека Круз е „исклучително заинтересиран“ за поп-суперѕвездата.
„Има хемија“, тврди изворот.
Шакира, која минатата година се раздели од нејзиното долгогодишно момче Жерар Пике, сега има потреба да се потпре на некого, според инсајдерот.
„На Шакира ѝ треба мека перница за да „падне“ на неа, а тоа може да биде Том“, вели изворот посочувајќи дека Круз ги има сите предности зашто е паметен, успешен но и „дечко со убав изглед и голем талент“.
Друга предност што Круз ја има (во споредба со бившиот на Шакира) е неговата висина.
Изворот за „Пејџ сикс“ се пошегува: „Таа не е повисока од него“, истакнувајќи дека Круз е висок 1м и 69 см додека Шакира е пониска од неа со нејзините 1 м и 59 см.
Ѕвездата од „Топ Ган: Маверик“ наводно ѝ испратил цвеќе на колумбиската пејачка по нивниот заеднички викенд поминат во Мајами, а тие биле видени и како поминуваат време заедно и надвор од ложата на Формула еден, поточно во еден ресторан каде добиле голема приватност.
#TomCruise and #Shakira turn heads with a surprise hang-out at the 2023 Miami Formula One Grand Prixhttps://t.co/yyMtU2AwmX
— ET Canada (@ETCanada) May 8, 2023
Шакира и Пике беа заедно 12 години и заедно имаат две деца. Разделбата беше тешка за Шакира, која минатата година изјави за списанието Ел: „Тешко беше не само за мене, туку и за моите деца. Неверојатно тешко. Можам само да кажам дека вложив се што имав во оваа врска и во моето семејство“.
Што се однесува до Круз, тој има три деца од претходните врски, а неодамна беше поврзан со неговата колешка од „Mission: Impossible 7“, Хејли Атвел. Тие двајца наводно се разделиле засекогаш минатата година.
Па, што носи иднината за Шакира и Круз? Само времето ќе покаже, но јасно е дека актерот е доволно загреан за пејачката. Како што вели изворот за „Пејџ сикс“ – „Тој е подготвен да ја придобие“.
