Што да направите со преостанатите велигденски јајца? Ви носиме фантастичен рецепт.
Намирници
12 варени јајца,
2 свежи жолчки,
100 грама шунка,
100 грама пармезан,
брашно,
презли,
сол,
црн пипер и
оригано.
Подготовка
Варените јајца пресечете ги на половина и од нив отстранете ја жолчката. Шунката изрендајте ја и помешајте ја со изренданиот пармезан. Жолчките изгмечете ги, додадете сол, оригано и црн пипер и помешајте ги со смесата од шунка и пармезан.
Со добиената смеса филувајте ги белките и спојувајте ги на начин да личат повторно на цели јајца. Потоа, протркалајте ги во брашното, па во жолчката од 2 свежи јајца, на крај во презлата и пржете ги на врело масло.
Се послужуваат додека се топли.
Добар апетит!
