Пејачката Нада Топчагиќ на 23 март итно била пренесена во Ургентниот центар поради силни болки во стомакот и поминала повеќе од 24 часа во болница.
Нада ја напуштила болницата, а по излегувањето признала дека „мислела дека со неа е готово“. Сега за нејзината здравствена состојба проговори и нејзиниот сопруг Златко Ѓорѓевиќ кој откри дека моментално се наоѓаат во куќа во Бановци.
– Нада е подобра, треба да направи уште неколку прегледи, да го слика долниот дел од стомакот. Сакам да му се заблагодарам на Ургентниот центар, луѓето испаднаа многу фер – изјавил сопругот на Нада.
Тој открил и дали се работи за чир на желудникот или дуоденален улкус и каде е сега Нада.
– Сѐ уште не се знае што се случило, ги чекаме резултатите и да го сликаме нејзиниот долен дел. Во куќата е, лежи и одмара – изјави Златко за „Телеграф“.
Инаку, Топчагиќ се огласи на својот Инстаграм по излегувањето од болница.
– Драги мои, сакам да му се заблагодарам на целиот персонал на Ургентниот центар на Србија за нивната професионалност, добрина и посветеност. Ве сака Надица. Им благодарам на колегите кои се сетија на мене, на луѓето кои ме сакаат, на пријателите и семејството – рече таа.
