Сопругата на холивудската актерка Ребел Вилсон, Рамона Агрума објави дека е бремена и дека го очекуваат своето второ дете, повеќе од една година по нивната венчавка во септември 2024 година.
Рамона ја сподели среќната вест на својот инстаграм-профил.
– Најсреќната вест во нашето семејство. Наскоро ќе бидеме четворица! Бебето број 2 е на пат. Те сакам Ребел Вилсон – напиша таа.
View this post on Instagram
Заедно со објавата, таа сподели трогателно видео на кое се прикажани семејни фотографии, како и видео од позитивен тест за бременост. Рамона гордо го покажа својот труднички стомак.
Проширувањето на семејството долго време беше желба на актерката. Кратко откако ја доби ќерката Ројс преку сурогат-мајка во ноември 2022 година, таа откри дека логистичките проблеми биле единствената пречка.
– Би сакала да имам уште едно дете. Прашањето е: „Дали е можно?“ Морам да одам преку ин витро фертилизација. Ќе видиме како ќе биде – изјавила таа за „Е! њуз“ во август пред две години.
Двојката веќе има тригодишна ќерка, Ројс Лилијан, која е родена во ноември 2022 година преку сурогат-мајка.
– Не можам ниту да ја опишам љубовта што ја чувствувам кон неа, таа е прекрасно чудо! Благодарна сум на сите што беа вклучени (знаете кои сте), ова се правеше со години, но особено би сакала да ѝ се заблагодарам на мојата прекрасна сурогат-мајка која ја носеше и ја роди со таква грациозност и грижа. Ви благодарам што ми помогнавте да основам свое семејство, тоа е неверојатен подарок. Најдобриот подарок! Подготвена сум да ѝ ја дадам на малата Ројси целата љубов што можам да ја замислам. Учам брзо… Ги почитувам сите мајки! Горда сум што сум во вашиот клуб – ја сподели емотивната објава Ребел во тоа време.
