Прелиминарното рочиште за тужбата на српскиот актер Бранислав Лечиќ што ја поднесе против српската актерка Анѓела Јовановиќ која одби да игра со него во ист кадар во серијата „Радио Милева“, што се одржа денеска, заврши по 45 минути.
Актерката ја напушти судницата во придружба на својот адвокат, кој даде изјава за медиумите, додека таа само кратко рече: „Ви благодарам“.
Адвокатот Горан Драганиќ истакна по рочиштето дека предмет на тужбата на Бранислав Лечиќ е всушност, наводната изјава на Анѓела Јовановиќ дека таа никому не му забранила да работи, бидејќи како и дека секој уметник и човек има право на избор.
Како што е речено, сведоци во овој судски процес ќе бидат и членови во продукцијата на серијата „Радио Милева“, а следното рочиште е закажано за 30 септември.
– Денеска се одржа прелиминарно рочиште, а на следното ќе биде сослушан Бранислав Лечиќ, тужител, кој ќе даде изјава во својство на парнична странка. Како и на секое прелиминарно рочиште, секоја страна предлага свои сведоци и докази. Двете страни го направија тоа. Ќе треба да почекаме. Судењето е одложено за 30 септември – рекол адвокатот на актерката за насобраните медиуми и продолжил:
– Што се однесува до другите изјави, Ангела даде изјава и таа нема да се огласува за медиумите. Таа ќе даде изјава пред судот за сите нејзини легитимни причини и пориви поради кои не сака да глуми со него. Суверено право на секој е слободно да одлучи дали ќе учествува во некој проект или не. Мораме да го почекаме понатамошниот развој на ситуацијата.
