– Денес времето ќе биде сончево и СТУДЕНО. Особено во западните предели ќе има појава на умерена локална облачност, а ќе дува и умерен, повремено на некои места засилен ветер од североисточен правец. Максималните температури ќе се искачуваат во интервалот од 3 до 11 степени – вели метео прогнозерот Славчо Попоски.
Во Скопје и околината времето ќе биде претежо сончево со умерен ветер претежно од североисточен правец. Ветерот повремено ќе засилува на интензитет. Максималната температура ќе се искачи до околу 8 степени.
Според Попоски, до вторник времето ќе се задржи постудено а во вторник ќе има и нешто повеќе облачност, кога ќе има услови за сосема слаби и локални врнежи од дожд и снег на планините. Ќе дува и умерен, повремено засилен ветер претежно од североисточен правец.
Веќе од средината на неделата па натаму ќе имаме многу повеќе сонце а температурите ќе белат тенденција на ЗНАЧИТЕЛЕН ПОРАСТ и максималните температури на некои места ќе надминуваат 20 степени. Сево ова е најава дека од средината на неделата па натаму пролетта полека но сигурно ќе започне да се буди.
А инаку календарски таа ќе пристигне денес попладне во 16 часот и 33 минути.
