– Денес времето во Македонија ќе биде променливо облачно и студено со сончеви периоди. Ќе дува слаб до умерен, а долж Повардарието засилен ветер од северен и од северозападен правец. Температурите ќе се искачуваат во интервалот од 1 до 8 степени – вели нашиот метео прогнозер Славчо Попоски.
Во Скопје и околината времето ќе биде променливо облачно и студено со сончеви периоди. Ќе дува умерен, повремено засилен ветер од северен правец. Максималната температура ќе се искачи до околу 4 степени.
Според Попоски, во следните денови времето ќе се задржи променливо облачно и студено со сончеви периоди. Услови за локално и слабо провејување на снег ќе има во петок и во сабота. Ќе дува умерен, а Долж Повардарието засилен ветер од северен правец, додека температурите ќе се искачуваат во интервалот од 1 до 8 степени.
