– Како што претходно кажавме, до вторник времето во Македонија ќе биоде претежно облачно со повремени локални врнежи од дожд, а на повисоките места и на планините врнежите ќе бидат од снег, каде ќе дојде до формирање на нова снежна покривка, а на планините истата ќе се зголеми. Услови за врнежи од снег ќе има и на некои места со надморска височина одо околу па и под 1000 метри – вели нашиот метео прогнозер Славчо Попоски.
Според Попоски, од утре ќе дува умерен до засилен ветер од северен правец а температурите ќе се движат во интервалот од 2 до 9 степени. Стабилизирање на времето ќе имаме од среда па натаму кога и температурите ќе бидат уште пониски, и тоа поради онатамошен продор на студената воздушна маса од север.
И во Скопскиот регион времето во следните денови ќе биде претежно облачно со повремени врнежи од дожд, додека на околните планини, но и во повисоките предели од котлината ќе има услови за проврнување на дожд и на снег. Ќе дува умерен до засилен ветер од северен правец, додека температурите ќе се искачуваат во интервалот од 3 до 6 степени. Од среда па натаму ќе има стабилизирање на времето и уште пониски температури.
