– Како што најавивме, утре времето во Македонија ќе се задржи претежно стабилно и суво, додека во текот на утрешната ноќ од запад ќе започнат врнежи претежно од СНЕГ. Во вторник врнежите ќе се прошират насекаде и ќе бидат претежно од снег, само на некои пониски места ќе има врнежи од дожд и од снег – вели нашиот метео прогнозер Славчо Попоски.
Според Попоски, локално врнежите ќе бидат ПОИНТЕНЗИВНИ и на повеќе места ќе се формира нова снежна покривка, додека на планините истата ќе се зголеми. Ќе започне да дува засилен северен ветер. Престанок на врнежите пак се очекува од среда. Температурите ќе се искачуваат во интервалот од 3 до 12 степени, додека пад на истите се очекува од вторник и максималните дневни ќе се искачуваат во интервалот од 0 до 9 степени во најтоплите југоисточни предели од државава.
И во Скопскиот регион утре ќе имаме претежно стабилно и суво време, додека во вторник ќе има нови врнежи од дожд и од снег. Максималните температури во текот на следните денови ќе се искачуваат во интервалот од 4 до 7 степени.
