– Под влијание на висок воздушен притисок, до самиот крај на оваа недела времето во Македонија ќе се задржи стабилно, суво и претежно сончево. Ќе биде сè потопло со сè повисоки минимални и максимални температури на воздухот. Ќе дува слаб до умерен ветер од западен и од северозападен правец. Минималните температури ќе се спуштаат во интервалот од минус 3 до 3 степени, додека максималните дневни ќе се искачуваат во интервалот од 8 до 15 степени.
Уште повисоки температури преку ден, значително над просекот за овој приод од годината, се очекуваат во петок, како и за време на викендот кога ќе се искачуваат во интервалот дури од 11 до 19 степени. Истите ќе бидат пролетни и ќе условат забрзано топење на снежната покривка на планините и на скијачките центри.
Во Скопје и околината ќе продолжи стабилното, суво и сончево време. Ќе дува слаб ветер од северен правец. Наутро температурите ќе се спуштаат во интервалот помеѓу минус 3 и 1 степен, додека максималните дневни температури ќе се искачуваат во интервалот помеѓу 11 и 16 степени, и истите ќе бидат натпросечно високи за овој период од годината – вели метеопрогнозерот Славчо Попоски.
За повеќе метео информации следете го Фејсбук профилот на Славчо Попоски – ТУКА.
