– За време на овој викенд, како и во текот на следната седмица и тоа под влијание на МНОГУ ТОПЛАТА воздушна маса од Африка, времето во Македонија ќе биде сончево и МНОГУ ТОПЛО со мала локална облачност. Денес ќе дува умерен, повремено засилен ветер од северозападен правец. Сепак повремено во попладневните часови ќе има услови за локална појава на нестабилност, проследена со пороен дожд, грмежи, засилен ветер а не се исклучува можноста и за појава на КРАТКОТРАЈНО НЕВРЕМЕ. Термпературите ќе се искачуваат во интервалот од 29 до 38 степени.
УВ – ИНДЕКСОТ во следниот период ќе има ЕКСТРЕМНО ВИСОКА вредност и ќе изнесува коефициент некаде околу 10, па затоа на граѓаните им советуваме да се заштитуваат од лошото влијание на сонцето, но и да пијат што повеќе течности – вели метео прогнозерот Славчо Попоски.
