– Како што претходно кажавме и најавивме, утре и понатаму ќе се задржи МНОГУ СТУДЕНО и претежно сончево време. Особено долж Повардарието ќе дува умерен, повремено засилен ветер од северен и од северозападен правец. Наутро температурите ќе се спуштаат во интервалот дури од -17 до -6 степени, додека максималните ќе се искачуваат во интервалот од -6 до 3 степени, вели нашиот метео прогнозер Славчо Попоски.
Според Попоски, од среда па натаму температурите ќе бележат тенденција на пораст и максималните дневни ќе се искачуваат во интервалот од 0 до 8 степени. Времето и понатаму ќе се задржи претежно стабилно, суво и сончево, повремено со умерена локална облачност. И во Скопскиот регион во следните денови температурите ќе бидат повисоки и максималните дневни ќе се искачуваат во интервалот од 1 до 6 степени, додека наутро истите се очекува да се спуштаат во интервалот од -10 до -4 степени. Времето ќе продолжи да биде претежно стабилно, суво и сончево, повремено со умерена облачност.
