Катарина Лазиќ за неколку месеци ќе стане мајка, а сега преку социјалните мрежи одговараше на сите прашања поврзани со бременоста и заедничкиот живот со сопругот Дарко Лазиќ.
Имено, српскиот пеја и неговата сопруга Катарина се венчаа минатиот август, а неодамна ги израдуваа сите со веста за нејзината бременост. Парот ќе го добие своето прво дете, а идната мајка одговараше на најчестите прашања на љубопитните следбеници на нејзиниот Инстаграм профил.
– Колку деца планирате да имате со Дарко? – било едно од прашањата.
-Ништо не планираме. Поздрав! – одговорила Катарина.
– Кои се тајните на добриот брак? – прашал еден фан.
-Толеранција и компромис – кратко рекла таа.
– Кога е терминот и каде живеете сега? – еден следбеник бил љубопитен.
– Во октомври. Сè уште сме на релација Нови Сад – Брестач. Наскоро ќе треба да одлучиме каде ќе бидеме стационирани – открила таа.
– Дали некогаш веруваше дека повторно ќе бидете заедно со Дарко, дека ќе имате дете? – било уште едно од низата прашања.
– Пред 14 години кога раскинавме се убедував дека не ни е судено и дека нема да бидеме заедно, па сега одвреме-навреме му велам дека не ми се верува дека повторно сме заедно и дека ќе имаме дете – одговорила Катарина.
