Постојат филмски моменти што не нè освојуваат само со приказната, туку и со атмосферата, боите, мирисите… Токму таков е филмот „Чоколада“, во кој Жилиет Бинош како Виан Роше со помош на своите чоколадни креации ги менува животите на жителите на малото француско село. Нејзините чоколади не се само десерт – тие будат спомени, поттикнуваат емоции и создаваат поврзаност.
Оваа трогателна приказна за самохрана мајка е инспирирана од истоимениот роман на Џоан Харис. Дејството е сместено во француско гратче кон крајот на 50-тите години од минатиот век, а пораката на филмот е дека љубовта може да ги победи и најголемите пречки. Со помош на извонредни рецепти со кои создава божествени чоколади во својата чоколатерија и со поддршка на мистериозниот скитник Ру, кого го игра Џони Деп, таа успева да ги омекне срцата на затворената малограѓанска средина.
View this post on Instagram
