Верувале или не, постојат и такви луѓе кои не знаеле, барем до сега дека на сила е епидемијата на коронавирусот. Еден од нив е познатиот актер Џаред Лето.
Холивудскиот суперстар на својот Инстаграм објаснил дека бил во пустина, без телефон и дека поради тоа не знаел што се случува.
– Пред 12 дена почнав со тивка медитација во пустина. Бевме тотално изолирани. Без телефони, без комуникација и така понатаму. Немавме идеја што се случува „надвор“ – напишал Џаред Лето и продолжил:
– Вчера излеговме од многу поинаков свет. Еден свет кој е сменет засекогаш. Умот застанува, најмалку што може да се каже. Добивам пораки од пријателите, семејството и од целиот свет што всушност се случува. Се надевам дека вие и вашите сте добро. Испраќам позитивна енергија на сите. Останите внатре (дома). Останите безбедни – напишал актерот и фронтменот на бендот „30 Seconds From Mars“.
