Ураганот Иан синоќа ја зафати Флорида, придружен со силни ветрови и обилни врнежи од дожд кои предизвикаа катастрофални поплави и прекин на електричната енергија низ американската сојузна држава. Во близина на патеката на ураганот, во близина на островите Кис, брод со мигранти потонал во невремето, а крајбрежната стража сè уште бара 20 лица, откако спасила три и четворица успеале да допливаат до брегот.
Ослабен на ураган од трета категорија
Проследен со ветрови од 185 км/ч, Иан стигнал на брегот на Кајо Коста, во југозападна Флорида, во 15:05 часот по локално време (21:05 часот по средноевропско време), според Националниот центар за урагани на САД (NHC). Ураганот предизвикал катастрофални поплави, додаваат од институцијата.
Submerged pick up truck and extreme home damage in Fort Myers, FL. #HurricaneIan pic.twitter.com/zKKDSRalgS
— Hurricane Ian Footage (@IanFootage) September 28, 2022
Иан, кој беше во 4-та од 5 категории на скалата Сафир-Симпсон, сега е ослабен до ураган од трета категорија, но сепак има разорна моќ, според истиот извор.
Домаќинства во мрак
Речиси 2 милиони домови во Флорида останаа без струја, повеќето од нив во близина на патеката на ураганот, објави специјализираната веб-страница PowerOutage.
Градот Пунта Горда потонал во мрак. Во текот на ноќта била осветлена само по некоја зграда опремена со генератори, единствено што се слушало бил свирежот на ветерот и врнежите од дожд. Налетите на ветерот и дождот биле жестоки, уривајќи ги сообраќајните знаци, отстранувајќи делови од покривите и кршејќи гранки од дрвја.
Yachts floating down the road in South Florida. #HurricaneIan pic.twitter.com/dCdRtn0hqc
— Hurricane Ian Footage (@IanFootage) September 28, 2022
Поројот ги носел автомобилите
Во југозападна Флорида, улиците биле под вода, а автомобилите однесени од порои, покажуваат снимките на MSNBC. Во градот Форт Мајерс, поплавите се толку големи што некои населби се како езера.
Storm Surge in Punta Gorda, FL #HurricaneIan pic.twitter.com/tB36qb3U1O
— Hurricane Ian Footage (@IanFootage) September 28, 2022
Овој метеоролошки феномен треба да се движи понатаму во внатрешноста и да пристигне над западниот Атлантик во четврток навечер, наведува NHC.
Со поминување преку копно, ураганот треба да ослабне, но сепак може да предизвика значителна штета додека не стигне до источна Флорида, додава тој.
