Британскиот супермодел Георгина Купер почина на 46-годишна возраст на островот Кос во Грција, само неколку месеци откако се омажила, пишува „Дејли мејл“.
Ја знаеме по насловните страници на магазинот „Кул Британија“ и дружбата со познатата Кејт Мос.
Од неа се збогуваат многу колеги, како Џејд Парфит, Ерин О’Конор, Џоди Кид и Хелена Кристенсен.
„Таа ја сакаше Грција и ми кажа дека ќе се врати таму, кај нејзиниот нов сопруг – но таа трагично почина таму пред две недели. На Георгина не ѝ беше добро за време на Ковид и имаше некои здравствени проблеми, исто така беше во болница. Но, таа имаше планови за иднината. Таа штотуку се омажи и се радуваше на својот живот. Сите беа уништени. Таа беше вистинска суперѕвезда“, изјавил нејзиниот агент.
Герогина беше забележана од модна агенција на 13 години, а првиот голем успех го постигна кога на 15 години се појави во спотот на Бон Џови.
Потоа стана едно од заштитните лица на деведесеттите и го доби прекарот „девојката со празнина меѓу забите“, работејќи како муза за познатата фотографка Корин Деј, за најголемите имиња во модната индустрија и појавувајќи се на насловните страници на aмерикански „Вог“ и „Фејс“.
