На синоќашното доделување на британските музички награди, титулата за најдобра песна му припадна на младиот уметник Луис Капалди, кој исто така беше прогласен за најдобар уметник во подем.
Станува збор за песната „Someone you love“, која на Јутјуб веќе има 90 милиони прегледи, а 23-годишниот пејач вчера ја изведе во живо пред многубројната публика на доделувањето на „Брит“ наградите.
– Ви благодарам многу. Се гледаме подоцна – рече младиот пејач, видно возбуден од наградата која ја доби, а на сцената се појави со шише пиво во рака.
На „Брит“ наградите за најдобар машки изведувач е прогласен Стормзи, за најдобар женски Мејбел, додека наградата за најдобра група и припадна на „Foals“.
