Хрватската музичка ѕвезда Јаков Јозиновиќ не престанува да реди успех по успех, а иако прво ја градеше својата кариера со преработка на култни песни, меѓу кои доминираат хитовите на поранешна Југославија, голем успех постигна и неговата песна „Ја Волим“ , а неодамна го издаде и својот прв албум, кој многу добро поминува кај публиката.
И додека некои го фалат, има многу пејачи на кои не им се допаѓа успехот на младиот пејач, па дури и јавно коментираа за него.
Еден од оние кои имале да кажат на оваа тема е српскиот текстописец, пејач и писател Срѓан Марјановиќ.
– Јаков е симпатично момче, но во Јаков менаџерот инвестираше 100.000 евра во маркетинг и од ништо направи фантастичен маркетинг и заработи на него неколку милиони. Тоа е доказ дека сè е можно. Јаков убаво пее, сè е супер, но сè е неверојатно. Знаете колку луѓе има кои пеат туѓи песни и пеат подобро од него, но го немале тој гас како него и финансиска поддршка. Тоа е идеја што успеалае и јас го почитувам тоа. Слушнав и две негови песни кои се одлични и треба да продолжи така – рекол тој за српски „Телеграф“.
На прашањето дали тој им дозволува на помладите колеги да снимаат преработки на неговите песни, Марјановиќ рекол:
– Ако некој убаво ме замоли и ако мислам дека некој вреди да ја направи таа преработка, го одобрувам, но во принцип не сум воодушевен. Дури не ми се допаѓа што некои луѓе прават кариери на преработки, тоа ми е лажно. Мора сам да направиш нешто и да имаш нешто свое – рекол пејачот.
Да потсетиме, порано често се пишуваше за тоа колку заработил Јозиновиќ по сите концерти.
Јаков досега одржа 1 концерт во салата МТС, 1 во Спенс, а распродадени се 8 концерти во Сава Центарот, по што следуваа концерти во Белградската арена.
Според некои извештаи, на неговите концерти имало повеќе од 42.000 луѓе, и тоа само во Србија, а бруто приходот, според некои извештаи, само од билети, е околу 1.470.000 евра.
