Престојот на принцот Хари во Вестминстерската опатија за време на крунисувањето на Чарлс III ќе биде внимателно структуриран за да не се преклопува со неговиот постар брат Вилијам. Ова го пренесува британски Express.
Принцот Хари ќе седи неколку редови подалеку од постарите членови на кралското семејство, вклучувајќи го и принцот од Велс, Вилијам.
Во исто време, седиштата ќе бидат уредени така што браќата дури и нема да можат да „си ги видат очите“, односно нема да можат „ни да ги вкрстат погледите“ – и така што постариот брат, лут на однесувањето на војводата од Сасекс, не може да биде „уловен“ од фотографите како „фрла“ експресивен поглед на помладиот брат.
Се претпоставува дека принцот Хари ќе биде ставен покрај најпријателските роднини кон него, на пример, принцезите Беатрис и Јуџин, кои се негови братучеди. Ова се неколкуте членови на британското кралско семејство кои одржуваат контакт со внукот на Елизабета Втора кој живее во САД.
Инаку, веќе е објавено дека принцот Хари нема да учествува во кралската поворка по крунисувањето.
