Ако ги земеме во предвед тврдењата на српскиот портал „Курир“, Емина Јаховиќ е меѓу првите познати личности на овие простори која го направила хируршкиот популарен зафат „подврзување на желудникот“.
Станува збор за хируршка постапка со која се намалува бемот на желудникот и со тоа се оневозможува внесување големи количества храна и прејадување. Резултатот е брзо слабеење или одржување на тенката става.
Според наводите на „Курир“, Емина ја криела интервенцијата 10 години од јавноста, а во една пригода и јавно демантираше дека направила ваков зафат.
Популарната пејачка и денес не зборува за ова, но на медиумите тајната им ја открил нејзин близок пријател.
– На почетокот на кариерата сакаше многу нешта да смени, беше незадоволна. Мислам дека Емина е прва која вградила прстен за да се осигури дека никогаш повеќе нема да се здебели. Пред да го направи тоа, држеше исцрпувачки диети, внимаваше колку калории внесува. Хирургот што ја оперира беше зачуден бидејќи не беше дебела, но се согласи за ваков зафат. По интервенцијата, Емина повеќе од три недели постојано повраќаше, но сето тоа подоцна се нормализира – изјавил пријател на пејачката.
– Неколку пати ги оперираше носот, јаболчните коски ги правеше двапати, неколку пати и усните. Сите интервенции се скапи. Се зборува по медиумите за 20.000 евра, но сметам дека тоа е многу поголема сума, бидејки само за вградување на прстенот во приватна клиника плати околу 15.000 евра – објаснил тој.
