Актерката Аница Лазиќ, партнерка на српскиот актер Лазар Ристовски повторно успеа да привлече внимание од јавноста. Аница позирала во предизвикувачко издание со голи рамена, без градник, што не остана незабележано од нејзините следбеници.
Минималистичкиот стил дополнително ја истакнал нејзината витка линија, а фотографијата набрзо предизвика лавина од реакции, а меѓу првите што се огласија беше актерката Мирка Васиљевиќ, која очигледно не останала имуна на оваа глетка.
Коментарите продолжуваат да се нижат, а едно е сигурно – Аница знае како да интригира и да го задржи вниманието каде и да се појави.
View this post on Instagram
Да потсетиме, актерот Лазар Ристовски и Аница Лазиќ, која е 39 години помлада, се во среќна врска неколку години и не обрнуваат внимание на злонамерните коментари. Тие ја криеја својата романса околу една година, а ја започнаа по неговиот развод со Даница Ристовски, со која актерот има два сина.
Нивната врска привлече големо внимание од јавноста уште од самиот почеток, а двојката не крие дека се среќни и хармонични, без оглед на разликата во годините.
Аница откри како започнала нејзината љубовна приказна со четири децении постариот актер Лазар Ристовски.
– Лазар и јас се запознавме без никаков посредник, единствениот посредник беше Бог. Се сретнавме во Белград, се погледнавме неколку секунди, а потоа се прегрнавме. По таа прегратка, седнавме и разговаравме со часови. Кога ме прашуваат од кога сме заедно, велам од првиот пат кога се погледнавме. Ние разговаравме дали треба јавно да излеземе и да кажеме дека сме заедно. Се договоривме дека треба да објавиме, Лазар не би бил Лазар ако не го правеше тоа на свој начин – рече таа.
